Partia Drejtësi, Integrim dhe Unitet (PDIU) ka kërkuar ngritjen e një Komisioni të Posaçëm për Tragjedinë Çame.
Në kërkesën dërguar Kuvendit, PDIU kërkon që të ngrihet një komision i posaçëm që të zbardhë faktet dhe rrethanat për masakrën që ndodhi mbi shqiptarët e Çamërisë në vitin 1944.
Deputetja e PDIU-së Mesila Doda në një deklaratë për mediat tha se masakra që iu bë shqiptarëve të Çamërisë në vitin 1994 do të zbardhet së shpejti.
“Nisma e PDIU-së është depozituar qysh në datën 20 dhjetor të 2016-s. Kjo nismë ka të bëjë me ngritjen e një Komisioni të Posaçëm në Kuvendin e Shqipërisë, për evidentimin e fakteve, rrethanave dhe përgjegjësive të shpërnguljes me dhunë dhe masakrës mbi shqiptarët e Çamërisë në vitin 1944. Bëhet fjalë për një moment të historisë sonë, i cili nuk është zbardhur kurrë tërësisht. Ne nuk jemi njohur me përmasat e asaj tragjedie dhe për mënyrën se si erdhi. Kërkesa e PDIU-së ka për qëllim zbardhjen e këtyre fakteve dhe rrethanave.
Ka patur edhe komisione të tjera, të cilat kanë qënë me karakter historik, por në Kuvendin e Shqipërisë, është hera e parë që një nismë e tillë merr jetë. Kjo nismë vjen edhe si kërkesë jo vetëm e popullsisë çame në Shqipëri, por edhe si kërkesë e të gjithë shqiptarëve. Nga ana tjetër, nuk është plotësuar kurrë nga ana e shtetit shqiptar një dosje parlamentare, në të cilën të kemi të depozituara përmasat e tragjedisë, por edhe faktet që kanë sjellë këtë genocid”, tha deputetja.
Më poshtë keni edhe kërkesën e PDIU-së dërguar Kuvendit.
[ngg_images source=”galleries” container_ids=”759″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post