Ndërkohë që në KQZ vijon numërimi i votave për kutitë e kontestuara në Qarkun e Tiranës nga PDIU, Mesila Doda bën thirrje që të rinumërohen votat e të gjitha kutive.
Ajo thotë se deri më tani nuk ka asnjë rezultat nga kutitë që të përputhet me procesverbalet. Thirrja e saj i drejtohet të gjithë kampit opozitar duke kuptuar këtu PD-në dhe LSI-në.
Kujtojmë se PDIU është drejt marrjes së mandatit të Idrizit pas rinumërimit që po iu bëhet kutive sot në KQZ.
E megjithatë paregullsitë e vërejtura janë të shumta, nga votat e pavlefshme që bëhen të vlefshme te votat e PDIU-së që i kalojnë PSD-së.
REAGIMI I DODËS:
Deri tani asnjë kuti votimi nuk ka të njëjtin rezultat si në procesverbale. I domosdoshëm numërimi i gjithë Tiranës, kanë futur duart në votat e pavlefshme, kanë përvetësuar e vjedhur sa kanë mundur nga votat e partive të tjera, kanë shkatërruar gjithë procesin.
I bëj thirrje gjithë Frontit opozitar… Te kërkojmë numërimin e gjithë Tiranës. Mandatet janë vjedhur e kanë lëvizur në tavolinë.
Kjo nuk është e nuk mund të jetë betejë për një mandat, por për të shpëtuar sistemin nga manipulimi e tjetersimi i vullnetit te zgjedhesve.
(E.K/SHUPLAKA)
