Një nga debatet më të mëdha në vendin tonë është padyshim edhe zbardhja e krimeve që kanë ndodhur në sistemin komunist. Duhet thënë se shumë nga njerëzit që i kanë shërbyer atij pushteti sot vazhdojnë të jenë të pashqetësuar në postet më të larta.
Padyshim që kushdo ka të drejtë që të vijojë jetën e tij normalisht, po më e pakta që mund të bëhet në këto moment është që të gjithë ata të tërhiqen pas. Po jo shumë prej tyhre vijojnë të hedhin baltë edhe vrer për vendin tonë dhe për martirët që u sakrifikuan për një jetë më të mirë.
Ditën e djeshme mbesa e një prej martirëve të atij regjimi Keda Kaceli ka pasur një përballje me djalin e ish-diktatorit Enver Hoxha, Ilir Hoxha, në aeroport.
Ajo thotë se në përballjen mes tyre ai i ka thënë që Shqipëria nuk do të bëhet ndonjëherë.
Ndërkohë që një reagim për këtë debat e ka patur edhe deputetja Mesila Doda duke u shprehur se është e pabesueshme që në Shqipëri ende nuk ka një ndarje nga e mira dhe e keqja.
‘’E dashur Keda Kaceli..
Ende në parlamentin e Shqipërisë flen propozimi ynë për t’i hequr dekoratat dhe titujt këtyre monstrave. Janë shkelur gjithë procedurat parlamentare, dridhen si purteka, e nuk e fusin as në rend ditë kërkesën për heqjen e medaljeve dhe titujve të nderit për xhelatët. Nuk ka faj askush nga këta mostra, që në 25 vjet heshtëm dhe i pranuam krimet në kurriz si diçka normale.
I vetmi Hero i Popullit është gjyshi yt dhe mijëra martirë të tjerë që sot janë edhe pa varr, edhe pa histori…ndërsa ne ende nuk kemi bërë ndarjen mes të mirës dhe të keqes dhe vërtitemi të deëshpëruar në këtë kaos imoraliteti.
Ne ishim të vetmit qe i lamë duart e përgjakura Ledi Makbeth, ndërsa kriminelëve i vumë kurorë ulliri mbi krye…
dëshpërim i madh, por ka ende shpresë…
Pa dyshim Shqipëria një ditë do të bëhet, do të bëhet për inat të mostrave si ky….’’, shkruan Doda. (E.K/SHUPLAKA)
Discussion about this post