Njollat e vajit, verës dhe kafes nga rrobat hiqen me shumë vështirësi. Por gjithmonë çdo gjë e ka një zgjidhje. Më poshtë ju tregojmë disa mënyra të thjeshta sesi t’i hiqni këto njolla.
Njollat e kafes
Përbërësit: Uthull të bardhë Sodë buke Peshqir Furçë dhëmbësh Njomni një peshqir me uthull të bardhë dhe me të fërkoni me kujdes pjesën me njolla në rrobë. Nëse njolla e kafes ka shumë kohë tek rroba, mbulojeni atë me sodë buke dhe më pas e fërkoni me një furçe dhëmbësh. Në fund e lani me ujë të ftohë.
Njollat e verës
Përbërësit: Uthull të bardhë Sodë buke Furçë dhëmbësh Njomni pjesën e njollosur me uthull të bardhë për të paktën 15 minuta. E fërkoni atë me një peshqir të pastër. Pastaj e mbuloni menjëherë me sodë buke. Lageni furçën me uthull të bardhë dhe fërkoni me kujdes pjesën ku keni hedhur sodë buke. Në fund e lani me ujë të ftohtë.
Njollat e vajit
Përbërësit: Sodë buke Sapun të lëngshëm Uthull të bardhë Furçë Përbërësit Mbulojeni pjesën e njollosur me sodë buke. Lëreni për të paktën 45 minuta. Nëse njolla ka qëndruar për shumë kohë në bluzë, zgjateni kohën të paktën deri në 2 orë. Më pas hidhni pak sapun të lëngshëm sipër sodës së bukës. Merrni furçën e dhëmbëve të njomur në uthullën e mollës dhe fërkoni me kujdes pjesën e njollosur. Në fund e lani me ujë të ftohtë.
Discussion about this post