Xavi ka zbritur me këmbë në tokë tifozët e Barcelonës të cilët shpreson për një rikthim të “Pleshtit” në Spanjë pas deklaratave të presidentit Joan Laporta. Ky i fundit u shpreh se shpreson që cikli i Messit me Barcelonën mos të jetë mbyllur ende.
“Rikthimi i Messit te Barcelona? I pamundur. Messi ka një kontratë me PSG. Ai është lojtari më i mirë në botë dhe në historinë e futbollit, por nuk ka kuptim të flasim për të tani”, ishin fillimisht fjalët e teknikut katalanas.
Më pas ai shtoi: “Presidenti Laporta tha thjesht se të gjithë shpresojmë që historia e tij me Barçën mos të ketë përfunduar. Do të shohim në të ardhmen, por tani është momenti të flasim për lojtarët tanë.”
Discussion about this post