Messi fjalë zemre për sportistin: Unë jam Manu i futbollit!

Ylli i Barcelonës Lionel Messi ka reaguar pas tërheqjes nga sporti I basketbollit të argjentinasit Manu Ginobili më 27 gusht.

Messi nuk i ka kursyer fjalët e mira duke thënë se fusha basketbollit nuk do të jetë më e njëjtë pa të.

Futbollisti i Barcelonës e ka falënderuar për atë që i dha basketbollit. “Faleminderit Manu Ginobili, që na bëre ta shijojmë kaq shumë basketbollin. S’do të jetë e njëjtë pa ju në fushë, por fat të mbarë në kapitullin tuaj të ri”-shkruan argjentinasi, Lionel Messi.

Ai ndihet krenar për atë që ka dhuruar ky basketbollist, që me lojën e tij ka emocionuar shumë zemra tifozësh në Argjentinë dhe më tej.

“Më bën shumë krenar fakti që e quajnë Manu-n, Mesi i basketbollit, në fakt duhet të thonë të kundërtën. Unë jam Manu i futbollit”-shtoi ai.

Ndërkohë shumë personalitetet të tjera që kanë thënë fjalët më të mira për bashkëkombasin e tyre si; Diego Armando Maradona, Le Bron Xhejms, Paulo Dybala dhe shumë yje të tjerë të NBA-së.

(B.H/Faxweb)