Lionel Messi ka bërë fajtor gjyqtarin e takimit për eliminim e Agjetninës nga Kupa e Amerikës
Brazili mposhti me rezultatin 2-0 “Albiçelestët”, por Messi ishte i ashpër ndaj performancës së gjyqtarit të VAR dhe zyrtarit të ndeshjes Roddy Zambrano.
Duke përdorur një intervistë pas ndeshjes për të kritikuar vendimin e arbitrit i cili nuk akordoi penallti ndaj Agueros para se Firmino të shënonte në minutën e 71’.
“Ata nuk ishin më të mirë se ne. Ata shënuan në fillim dhe goli i dytë erdhi nga një penallti ndaj Agueros e cila nuk u akordua”, i tha Messi gazetarëve.
“Arbitrat ndëshkuan shumë gjëra, por nuk e kontrollonin VAR-in, kjo është e pabesueshme.
Kjo ndodhi në të gjithë ndeshjen. Në shikimin e parë të kontaktit, ata vendosën në favorin e Brazilit dhe këto gabime skandaloze na nxorën nga loja.
Ata nuk ishin më superior se ne, luajtëm një ndeshje të mrekullueshme”, deklaroi ylli i Barcelonës.
Discussion about this post