Gjatë takimit dhe bashkëbisedimit të kryeministrit Rama me qytetarët në Rrëshen mbi prezantimin e platformës “Shqipëria që duam”, fjalën e mori një zonjë e cila vuante nga tumori.
Zonja në fjalë ishte mësuese dhe ishte diagnostikuar me tumor. Ajo tha se shkonte çdo muaj në QSUT pranë pavionit të Onkologjik, por aty përballej me vështirësi të shumta.
“Kam 26 vjet mesuese, jam diagnostikuar me kancer të gjirit dhe gjatë kësaj periudhe kam kaluar disa faza, vazhdoj kurën me herceptinë, duhet ta beja 18 herë, cdo 21 ditë, nga fundi gushtit deri tani duhet të kisha bërë 8 here kam bërë vetëm 3.
S’ka ilaç hereceptinë në Onkologjik, për mua dhe për 130 të sëmurë të tjerë dhe kjo situatë vijon prej muajsh. Nuk kam asnjë vërejtje për mjekët kanë qenë shumë të përkushtuar. Kam muaj që kërkoj drejtorin e spitalit për t’i kërkuar informacion, por nuk e gjej asnjëherë.” u shpreh zonja
Nga ana e tij kryeministri ndryshoi tonin e zërit duke e marrë seriozisht situatën dhe duke u shprehur se ishte në dijeni të ilaçeve dhe kurave të shtrenjta dhe se problemi qëndron tek fondi dhe parashikimi vjetor i buxhetit për blerjen e medikamenteve.
“E njoh shumë mirë situatën në Onkologjik. Nuk është faji i drejtorit sepse edhe po ta takoje nuk është se do të kishte mundësuar dhënien e ilacit. Problemi qëndron tek fondi dhe parashikimi vjetor i buxhetit për blerjen e medikamenteve.
Ka një rritje të lartë të numrit të të sëmurëve me kancer nga viti në vit. Problemi qëndron edhe tek pamundësia buxhetore, e di ky nuk është një justifikim. Buxheti i ri do të mësojë blerje të një sasie më të madhe medikamentesh për trajtimin e sëmundjeve kancerogjene. Do ndryshojmë edhe ligjin për lerjen e medikamenteve në sasi më të mëdha që të shkojnë më shumë se një vit”.u shpreh Rama.
(M.Q/Faxweb)
VIdeo pas ores se pare, 01:00:00:
