Presidenti Ilir Meta ka reaguar për raportin e DASH për lirinë fetare, ai me anë të një postimi në Facebook është shprehur se e çmon vlersiminn për harmoninë dhe bashkëjetesën ndërfetare në vendin tonë.
“E përshëndes raportin realist të DASH mbi liritë e besimit 2019 për Shqipërinë, dhe e çmoj me rëndësi të madhe vlerësimin për harmoninë dhe bashkëjetesën ndërfetare në vendin tonë.” shkruan Meta.
Më tej ai thotë se ndan të njëjtat konkluzione me raportin ku evidentohen shqetësimet e komuniteteve fetare.
“Ndaj të njëjtat konkluzione me gjetjet e raportit, ku evidentohen shqetësimet e komuniteteve fetare për moskthimin e pronave të konfiskuara gjatë regjimit komunist, si dhe vështirësitë për marrjen e lejeve nga disa autoritetet lokale për ndërtimin e institucioneve të kultit.”
Presidenti gjithashtu bëri një apel për të gjtha shqetësimet e ngritua në raportin e DASH kryesisht për çështjen e pronave që sipas tij duhet të marrin zgjidhje ligjore pa zbvarritje.
“Apeloj që të gjitha shqetësimet e ngritura në raportin e DASH, veçanërisht lidhur me trajtimin e pronave dhe pengesat administrative e burokratike të vlerësohen me përparësi nga autoritetet përgjegjëse shtetërore dhe të marrin zgjidhje ligjore pa zvarritje të mëtejshme.
Ky proces, do të ndikonte në forcimin e pavarësisë të komuniteteve fetare dhe do t’i mbante ato larg ndikimive të huaja, që synojnë dëmtimin e harmonisë dhe bashkëjetesës ndërfetare.
Duhet një reagim energjik dhe i sinqertë, institucional shtetëror për të zgjidhur përfundimisht çështjen e pronës së komuniteteve fetare duke u dhënë fund praktikave burokratike dhe korruptive.” përfundoi postimin Meta.
