Meta-Basha i lënë derën e hapur njëri-tjetrit për koalicion. Ç’deklaruan sot te Çani

Meta-Basha i lënë derën e hapur njëri-tjetrit për koalicion. Ç’deklaruan sot te Çani.

Duket se sot tonet e Ilir Metës dhe Lulzim Bashës ishin më të zbutura. Të ftuar njëri pas tjetrit te “Zonë e Lirë” ata nuk i mbyllën plotësisht dyert një koalicioni.

Edhe pse nuk munguan as batutat mes tyre dhe moderatorit. Duke folur për koalicionet Basha tha se me Edi Ramën nuk mund të ketë një koalicion pasi ai nuk ka një plan ekonomik.

Po ashtu ai kishte dhe një mesazh për Presidentin e zgjedhur Ilir Meta.

“Tani do të vijë Meta këtu dhe ke ndonjë mesazh për të?”, e pyeti Çani Bashën. “Reformohu!”, ishte mesazhi i kryedemokratit.

Ndërkohë që Meta tha se donte të kishte një takim me Bashën.

“Nuk e di pse doli andej Luli, unë e prisja këtej t’i jepja dorën. Lidhur me këtë tjetrën, Luli ka vetëm 48 orë të distancohet nga pakti me Ramën kundër votës së lirë. Të mbajë qëndrim të qartë ndaj shefave të policisë që godasin njerëzit e LSI-së”, tha Meta.

(E.K/SHUPLAKA)