Meta: Boshllëku që solli ikja e Berishës nuk mund të plotësohej nga boshllëku më i madh që solli ardhja e Bashës në krye të PD

”Boshllëku që solli ikja e Berishës nuk mund të plotësohej nga boshllëku më i madh që solli ardhja e Bashës në krye të PD”, kështu deklaroi dje Ilir Meta.

Kryetari i Kuvendit, i ftuar në emisionin “Të paekspozuarit”, mes të tjerash u pyet nga gazetari Ylli Rakipi edhe për tranzicionin e kryetarëve të Partisë Demokratike, nga ish-kryeministri Sali Berisha te kryetari i ri, Lulzim Basha.

“Boshllëku që solli ikja e Berishës nuk mund të plotësohej nga boshllëku më i madh që solli ardhja e Bashës në krye të PD”, u shpreh Meta. “Boshllëk nga ikja dhe boshllëk nga ardhja”, përforcoi më tej mendimin e tij Meta.

Po dje Sali Berisha ka komentuar nga studio e ”ABC News” lidhur me fushatën, duke thënë se Basha nuk mund të bëjë përgjegjës Ilir Metën për dështimet e qeverisë.

“Ilir Metën nuk mund ta bëjë përgjegjës Basha  për dështimet e qeverisë. Nuk mund t’i themi Ilir Metës për mashtrimet e Ramës, pasi  nuk premtoi Meta 300 mijë vende pune, rrogën e 13, barazimin e pensioneve të qytetit dhe fshatit. Basha nuk synon të jetë kryeparlamentar i ardhshëm i vendit por kryeministër i vendit”, tha Berisha. (V.G/SHUPLAKA)