Taulant Balla ka folur për ngërçin e krijuar me Gjykatën Kushtetuese dhe akuzat e Presidentit, Ilir Meta për kreun e Këshillit të Emërimeve në Drejtësi, Ardian Dvorani, duke thënë se është i fundit që duhet të përgojojë zyrtarin e drejtësisë.
Këtë Balla e argumentoi duke sjellë në vëmendje gjyqin kundër Metës ku Dvorani sipas tij, ishte një nga 5 gjyqtarët që hetoi çështjen, ndërsa ishte i vetmi ndër 5 gjyqtarët që votoi kundër Metës.
Balla e ka quajtuar qëndrimin e Metës për emërimet në GJK si tentativë për të bllokuar procesin, ndërsa ka kujtuar edhe kompetencat e Presidentit.
“Ne si mazhorancë kemi detyrimin të gjejmë një zgjidhje. Për fat të mirë baballarët e Kushtetutës ishin të bindur se kishte rrezikshmëri një president me kompetenca të mëdha. Por ne e shohim se edhe pse me një president me kompetenca honorifike, shohim një përfaqësues që stimulon një krizë kushtetuese dhe krijon ngërçin e vakancave në gjykatën Kushtetuese.
Afati kushtetues 30 ditor është vetëm njëri nga mekamnizmat kushtetues, qasja e saj është e qartë, Gjykata Kushtetuese është e një rëndësie të veçantë. Komisioni i Venecias këmbëngul se roli i GJ.K si arbiter në çështjet kushteutse ka një rol dhe rëndësi të veçantë për një demokraci”, tha Balla.
Shiptarët e kanë të qartë se Meta po bën gjithçka po mundet për të bërë një tentativë penguese. Kjo reformë nuk është e mazhorancës tonë, por e shumicës së shqiptarëve. Dua ti bëj një apel Presidentit, nuk ndodh asgjëkundi që të marrë nëpër gojë kryetarin e KED. Presidenti duhet të jetë i fundit për t’u marrë me Dvoranin sa kohë që ka qenë një nga 5 gjyqtarët e dosjes së Ilir Metës dhe ka qenë i vetmi ndër pesë anëtarët kundër Metës”, tha Balla.
(F.GJ/FAXWEB.AL)
