Ish-kryetari i Kuvendit Ilir Meta teksa Berisha fliste në parlament gjithmonë e lejonte të fliste pa përcaktim kohe. Por vetëm pak minuta më parë Gramoz Ruçi si Kryetar Kuvendi nuk e ka lejuar Berishën të flasë pasi këtij të fundit i kaloi koha e tij e fjalimit në parlament.
Madje Ruçi ka përdorur një gjuhë të ashpër ndaj Berishës duke e urdhëruar të ulet në vendin e tij. I prerë në komunikim, pa zbutur tonin në asnjë moment Ruçi i ka treguar Berishës afatin kohor të fjalës në parlament. Pasi i ka hequr mikrofonin Berishës, Kryetari i Kuvendit i ka theksuar ish-kryeministrit se po gënjen kolegët e tij me deklaratat e tij.
DEBATI:
Ruçi: Zoti Berisha koha mbaroi të lutëm ulu, koha jote mbaroi. Jo nuk lejohet nuk lejohet , ulu zoti Berisha. I the të gjitha ato që ke për të thënë të lutem shumë ulu.( i ashpër në komunikim)
Berisha: Nuk më ndalon ti, të ka vënë Rama aty dhe urdhëron tani….
Ruçi: Zoti Berisha mos më detyro që në këtë seancë të aplikoj masat që parashikon rregullorja.(me ton të prerë)
Berisha: Edi Rama të ka detyruar edhe për atë post….
Ruçi: Ulu mos e tepro, as në planin etik, as etik, as procedurial, ulu e mos i gënje kolegët e tu se i merr në qafë ashtu. (J.V/Shuplaka)
