Presidenti i Republikës Ilir Meta në një dalje publike për mediat ka deklaruar se ditën e hënë do të kallëzojë penalisht kryetarin e KED, Ardian Dvoranin.
“Ditën e hënë do të bëj një kallëzim penal si President i Republikës, kundër zotit Ardian Dvoranin, me detyrë kryetar i Këshillimit të Emërimeve në Drejtësi. Unë Presidenti i Republikës e akuzoj Ardian Dvoranin për këto vepra penale:
1- shpërdorim detyre neni 248 kodit penal
2 -përvetësimi i titullit apo detyrës shtetërore, 246 kodi penal.
Baza ligjore Kushtetuta e Republikës së Shqipërisë, kallezim përpara Prokurorisë
Presidenti i Republikës në cilësinë e Kreut të Shtetit ka ndjekur në vijimësi dhe shqetësim prej më se dy vitesh ecurinë e ndërtimit të Gjykatës Kushtetuese dhe gjithë proceset e saj. Është konstatuar se KED ka bërë disa shkelje të rënda nga kryetari Ardian Dvorani që janë të detyrueshme për hetim penal. Veprimet dhe mosveprimet e Dvoranit, kanë shuar besimin e pubklikut tek GJK dhe sitemi i drejtësisë. Veprimet e tij përbejnë jo vetëm shkelje ligjore po edhe vepra penale, për shpërdorim detyre dhe përvetësimi i titullit apo detyrës ku me dashje ka shëprdoruar funksionin publik që është i ngarkuar dhe ka marrë përsipër të ndërmarr një akt penal mafioz.
Vakancat e Kuvendit, në të njëjtën mënyrë ka sjell dy vakancat që i takonin atij. KED i zgjedhur me short me kryetar Dvoranin ka mbyllur procesin për 4 vakancat, dy të presidentit dhe 2 të Kuvendit.
Rezulton se KED që është një organ kolegjial jo personal, dhe që funksionon në bazë të ligjit i ka përcjellë vetë listat për plotësimin e 2 nëntorit 2019. Nuk rezultoi që KED në mënyrë kolegjiale të ketë marrë një vendim ligjore por vetëm individuale nga kryetari. Kur kryetari ka vetëm të nënshkruar aktet e vlerësimit dhe rënditjes.”- deklaroi Meta.
(M.Q/Faxweb.al)
Discussion about this post