Meta hap garën, dy vende të lira për gjyqtar në Gjykatën Kushtetuese

Presidenti i Republikës, Ilir Meta, ka çelur garën për dy vende të lira si gjyqtar të Gjykatës Kushtetuese.

Lajmin e bën të ditur Presidenca, ku thuhet se vendi i parë vakant është krijuar pas mbarimit të mandatit të ish-gjyqtarit Sokol Berberi.

Vendi i dytë vakant është krijuar nga dorëheqja e ish-gjyqtarit Besnik Imeraj.

 “Presidenti i Republikës fton çdo person të interesuar që plotëson kushtet dhe kriteret e parashikuara në Kushtetutë dhe ligjin nr.8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar, të marrë pjesë në këtë procedurë të konkurimit të hapur publik”, thuhet në njoftim.

(F.G/Faxweb)