Meta hedh poshtë një koalicion të mundshëm me PD-në: Nuk ka asnjë arsye

I ftuar në “Studio e Hapur”, pasi ndoqi videon ku kreu i PD-së Lulzim Basha përsëriste disa herë “jo-në” për një koalicion të mundshëm me LSI-në, kreu i Kuvendit Ilir Meta ka mohuar mundësinë e një koalicioni me demokratët.

“Nuk më ngelet vetem se të bashkohem me këtë përgjigje të zotit Basha. Vetëm i them të mos e ngrejë kaq shumë zërin se mund ta kishte thënë më ulët. Nuk shoh asnjë aryse për të bërë koalicion me Partinë Demokratike”, tha Meta. 

“Ne i qëndrojmë marrëveshjes. Ky koalicion ka edhe shumë për të bërë”, shtoi Meta.

I ftuar javë më parë në “Opinion”, i pyetur për të njëjtën çështje, kreu i PD-së Lulzim Basha u përgjigj me një “Jo” të fortë dhe të prerë. (A.R/SHUPLAKA)