Shtyrja e datës së zgjedhjeve lokale nga ana e presidentit Meta i ka dhënë një tjetër rrjedhë zhvillimeve politike në vend.
Ndryshe nga sa pritej derimë tani protesta e opozitës ka qenë tërësisht paqësore, ndërsa kryedemokrati Lulzim Basha ka kërkuar që qytetarët të ruajnë qetësinë, pasi fundi i betejës po afron.
Aspak i qetë ndërkohë është shfaqur Rama në Berat, ku deklaroi se zgjedhjetn në Qershor do të mbahen edhe pa dekretin e presidentit. (Lexo edhe këtu)
Por çfarë mendojnë juristët për këtë?
Ish kryetari i KQZ-së Kristaq Kume është shprehur se shtyrja e datës së zgjedhjeve është e drejtë e Presidentit të vendit.
Sipas tij kjo datë mund të atakohet vetëm në Gjykatën Kushtetuese. Por, shtoi ai, në kushtet që Gjykata Kushtetuese nuk ekziston, dekreti i Presidentit Meta hyn në fuqi automatikisht dhe kështu zgjedhje nuk do të ketë.
Ndërkohë që Ylli Manjani ka deklaruar se shpreson që ajo që Rama tha në Berat të jetë vetëm për konsum militantësh, pasi ai nuk do të imagjinonte që kryeministri i vendit të ishte një puçist.
“Deklaratat e tjera kërcënuese të tipit që “ne do i bëjmë zgjedhjet edhe pa dekret”, shpresoj të jenë ende të nxituara…. Ende më ngjajnë si thirrja që ju bëri policëve në 2017 hiqini kapelet e bëni fushatë për PS…Shpresoj vërtetë të jenë të nxituara për konsum militantësh…Ende nuk e mendoj dot Kryeministrin si Puçist…”, është shprehur Manjani.
Ndërkohë që presidenti Meta në deklaratën e tij për ç’dekretimin e zgjedhjeve të 30 Qershorit, tha se kjo bëhej për të shmangur polarizimin e mëtejshëm të situatës politike, dhe shmangien e përplasjes mes vetë qytetarëve.
(E.K/Faxweb.al)
