Pas letrës së kryetarit të Kuvendit, Ilir Meta, presidenti Bujar Nishani ka vendosur të mbledhë Këshillin e Sigurisë Kombëtare, për të diskutuar çështjen e mosarrestimit të Kelment Balilit, i njohur ndryshe si “Escobari i ballkanit”.
Në letrën e dërguar Nishanit, Meta shkruan se Klement Balili, pavarësisht akteve procedurale apo akuzave, të përcjella apo të paraqitura nga organet kompetente shqiptare apo ndërkombëtare, ende nuk është ndaluar, për t’iu nënshtruar drejtësisë.
Sipas kryeparlamentarit, mbledhja e Këshillit të Sigurisë do të dëshmojë seriozitetin e palës shqiptare për këtë çështje, duke hedhur poshtë akuzat e ndërkombëtarëve.
“Thirrja e mbledhjes së Këshillit të Sigurisë Kombëtare për këtë çështje, do të dëshmojë seriozitetin e institucioneve dhe organeve të shtetit shqiptar për adresimin e përgjegjësive konkrete si dhe angazhimin që ato kanë në trajtimin e rasteve të tilla, me impakt në sigurinë kombëtare”, shkruan Meta.
Sipas raportimeve nga televizioni “Klan”, Nishani pritet që të lajmërojë sëshpejti mbledhjen e Këshillit të Sigurisë. (D.D/Shuplaka)
Discussion about this post