Meta ironizon Ramën: Martesa është vetëm për Monikën!

Kryetari i Lëvizjes Socialiste për Integrim Ilir Meta, më në fund i përgjigjet deklaratës së Kryeministrit Edi Rama, të disa muajve më parë.

Rreth dy muaj më parë, lidhur me koalicionin Rama u shpreh: “I takon Ilir Metës të vendosë nëse do të qëndrojë apo do të rimartohet djathtas”.

Por gazetarët e komentuan si një lutje të PS-së, që LSI-ja të ndajë mendjen dhe të kthejë një përgjigje se me kë do të bëjë koalicion.

Gjatë mbrëmjes së sotme, në studion e emisionit të gazetares Eni Vasili, Meta tha mes batutash se ky vendim normalisht i takon vetëm LSI-së dhe askujt tjetër.

“I takon Ilir Metës të vendosë nëse do të qëndrojë apo do të rimartohet djathtas”, ka qenë deklarata e Ramës diku në shtator, që u komentua edhe si një sinjal i parë për hapjen e PS-së, për t’i thënë “ejani në koalicion, na jepni një përgjigje” e të tjera. Vërtet martesa është institucion i vështirë, e thonë të gjithë, por duket sikur ju nuk po vendosni të martoheni majtas këtë radhë…
Absolutisht, martesa është vetëm për Monikën. Në politikë ka vetëm marrëveshje.”, thotë Meta.

Sakaq, Meta ka një përgjigje edhe për kreun e opozitës Lulzim Basha, i cili e ka kundërshtuar kategorikisht koalicionin me LSI-në duke u shprehur: Jo, jo, jo!

Sipas Metës, Basha nuk ka nevojë të bërtasë pasi vetëm një “jo” mund të mjaftojë si përgjigje. (D.D/Shuplaka)