Kreu i Shteti Ilir Meta me anë të një postimi në rrjetet sociale ka deklaruar se Shqipëria do të mbështesë përpjekjet e institucioneve të Kosovës për t’u riangazhuar në dialogun me Serbinë.
Meta shkruan se një dialog konstruktiv midis dy vendeve mund të prodhojë marrëveshjen përfundimtare midis dy shteteve e cila sipas tij është ligjërisht e detyrueshme dhe e zbatueshme për normalizimin e marrëdhënieve dhe kontribuon për paqen, stabilitetin e perspektivën europiane të rajonit.
Postimi i plotë:
Shqipëria do të mbështesë përpjekjet e institucioneve të Kosovës për t’u riangazhuar në dialogun me Serbinë, të ndërmjetësuar nga Bashkimi Europian. Një proces konstruktiv ka potencialin të prodhojë marrëveshjen përfundimtare, ligjërisht të detyrueshme, tërësore dhe të zbatueshme, që normalizon plotësisht marrëdhëniet ndërmjet dy vendeve dhe kontribuon për paqen, stabilitetin e perspektivën europiane të rajonit. #BBPTirana ??????
Reagimi i Metës vjen menjëherë pas përfundimit të Samitit të Brdo-Brijuni të mbajtur në Tiranë ku dhëheqësit më të lartë të rajonit ballkanik kanë dalë me një deklaratë të përbashkët lidhur me punimete tij.
Në deklaratën e përbashkët thuhet se marrëveshjet, dialogu dhe bashkëpunimi rajonal iu hap mundësinë vendeve të Ballkanit që të integrohen sa më shpejt në familjen Europiane (lexo këtu).
Gjithashtu në një kohë ku ndërkombëtarët lobojnë fortë për njohjen e Kosovës nga Serbia, presidenti Vuçic është shprehur dy ditë më parë se ata nuk mund ta detyrojnë atë të bëjë këtë gjë. Ai u shpreh për “Tanjug“ se më mirë të vritet se të njohë Kosovën dhe këtë gjë sdo e bëjë për sa kohë dop jetë ai president (lexo këtu).
(F.GJ/FAXWEB.AL)
