Analisti Ylli Rakipi ka komentuar zhvillimet e fundit politike në vend duke thënë se Ilir Meta është i frikësuar se opozita nuk i bën dot numrat për të krijuar qeveri të re pas zgjedhjeve.
“LSI është parti klienteliste. Ajo ka kuota shumë të qarta. Dëshira është e madhe për të shkuar te PD por ai i trembet faktit që PD nuk është rikuperuar që nesër të vijë në pushtet. Llogorja e Metës nuk ka ndryshuar”, tha ai.
Rakipi ndër të tjera tha se opozita po bën një retorikë të nxehtë dhe se Rama po shfaq një qetësi të rreme. Por sipas tij zgjedhjet vidhen pa nisur ende ethet zgjedhore.
“Opozita ka të drejtë, manipulimi i votave nuk është i drejtpërdrejtë . Ato vidhen në mënyrë indrekt. Kjo ndodh duke mbyllur sytë qeveria dhe ambasadorët. Qeveria kandidon njerëz të inkriminuar. Edhe opozita po ashtu nuk flet për kanabisin sepse një pjesë e shoqërisë jeton me këtë. Është njësoj si piramidat e viitit 1997. Shanset janë maksimale që zgjedhjet të manipulohen” u shpreh ai.
Prej 4-ditësh opozita ka përshkallëzuar aksionin e saj. Pas protestës së 18 shkurtit, ajo ka ngritur një çadër përpara kryeministrisë ku kërkon qeveri teknike dhe zgjedhje të lira. Kryeministri Rama e ka konsideruar këtë si një lëvizje kundër Reformës në Drejtësi dhe Vettingut ndërsa Meta tha dje se kërkohet dialog dhe se kërkesa e opozitës për zgjedhje të lira dhe të ndershme është parimisht e drejtë.
(M.D/ Shuplaka)
Discussion about this post