Deputeti i Partisë Socialiste Musa Ulqini në një intervistë për Fax News gjatë mbledhjes së Kongresit të Partisë Socialiste, foli me superlativa për partinë ku aderon.
“Po përjetoja një emocion të veçantë, sepse kanë kaluar 29 vjet dhe ndryshimet janë shumë të mëdha dhe PS ka pësuar një ndryshim të jashtëzakonshëm.
Është një ndryshim i jashtëzakonshëm. Ky është një proces zgjedhor, por që po diskutohet në thelb se çfarë do të bëjmë më mirë në interes të Shqipërisë.Nëse mua do të më kërkohet të them se cili është ndryshimi më i madh në këtë vite do të thoja që prania e gruas është një ndryshim shumë i madh.”- u shpreh deputeti i PS-së.
I pyetur nga gazetarja e Fax News Eksiola Shehu, për letrën e 8 socialistëve, që i janë drejtuar kongresit për ndryshime në drejtimin e partisë, u shpreh se i takon forumit ta gjykojë.
“Së pari dua të them se 8 socialistët që e kanë firmosur, janë tetë njerëz që kanë kontribute të jashtëzakonshme. Kanë qenë në poste të ndryshme gjatë këtyre viteve. Janë njerëz që i bëjnë nder PS-së. Që në fillimet tona çdo kongres ka pasur socialistë që kanë mendime ndryshe. E rëndësishem është që mendimet ndryshe ekzisojnë. I takon forumit të gjykojë dhe të vendosë. Unë jam besim plotë që gjërat mëtë mira që vijnë nga mendimet ndryshe.”- u shpreh Ulqini.
Ndërkohë i pyetur për tubimin e Metës me 2 Mars, Ulqini tha se nuk e kupton se çfarë kërkon që të bëjë Meta dhe se është i keqardhur ndajtij.
“Nuk e kuptoj do atë që Meta kërkon të bëjë me datën 2 Mars dhe njoh që nga viti 1991 dhe kotributet në PS, jam e keqardhur për atë që kam dëgjuar.”- tha Ulqini.
Discussion about this post