Ministrja e Integrimit Klajda Gjosha ka qenë e ftuar mbërëmë në emisionin “Natë me Xhaxhiun” ku ka folur për situatën politike në të cilën ndodhet vendi këto dy muajt e fundit.
Gjosha e pyetur nga drejtuesi i emisionit ka komentuar gjithashtu deklaratën e saj se Meta duhet të zgjidhej kryeministër. Ajo u shhpreh se ky ishte vetëm një qëndrim politik dhe jo zyrtar i saj.
“Dialogu është e vetmja zgjidhje për krizën që po kalon vendi ynë dhe LSI është dakord për dialog dhe tryezë të përbashkët me opozitën.
Ne jemi dakord për të vijuar koalicionin me PS dhe janë strukturat e partisë ato që e vendosin. Por dua të theksoj se para koalicionit me PS duhet dialog edhe me opozitën dhe nuk mendoj se nuk do ketë zgjidhje për krizën. Busulla jonë e vetme është e drejtuar drejt integrimit në BE”, tha Gjosha.
Kur u pyet për deklaratën e saj të mëparshme kur deklaroi se dëshiron që Meta të jetë kryeministër, Gjosha u përgjigj: “Meta kryeministër? Ishte një deklaratë e imja partiake në atë kohë, nuk ishte një deklaratë e imja zyrtare”.
Gjatë një prononcimi për një televizion lokal në Fier, Gjosha më parë kishte thënë se Meta është njeri i dialogut dhe faktor konstruktiv në politikën shqiptare.
“Nuk është sekret që ne duam që Meta të jetë kryeministër. Ai është njeri që i ka dhënë shumë dialog dhe konstruktivitet politikës shqiptare”, kishte thënë më parë ministrja e LSI-së.” (E.K/SHUPLAKA)
Discussion about this post