Meta: Luli është si fëmijë dhe ia fal gabimet, me Ramën nuk ka patur “dashuri”

Presidenti i zgjedhur, Meta ka qenë  i ftuar në “Fiks-Fare”. . Meta ka folur për marrëdhënien e tij me Ramën dhe Bashën.

Ai tha se nuk ka pasur “dashuri” mes tij dhe Ramës asnjëherë, por thjesht “simpati”. Meta foli edhe për marrëdhënien me Bashën, duke ironizuar atë.

Ai po ashtu tha se Basha është si fëmijë  ndaj sipas tij i falen gabimet.

PJESE NGA INTERVISTA

-Keni ndryshuar këto kohët e fundit, nga slogani “me qetësi e dashuri”, keni kaluar për sherr e shamatë.Mirë qetësia të ka humbur, por edhe dashuria?!  Ke pasur ndonjëherë dashuri për Ramën?

Meta – Tani ju duhet ta kuptoni që dashuria është diçka e brendshme, nuk është diçka … nuk është si mall. Ka patur simpati .

–Nuk konkluduat në dashuri se nuk donte Rama apo ju?

Meta– Nuk të lë Monika për atë punë.

-Ke thënë Tomi e Jerry. Na e sqaro kush është Tomi e kush është Jerry?

Meta– E para Tomi dhe Jery nuk ka të bëj fare me Devin dhe Dorin. Së dyti, tani nuk ka rëndësi kush është njëri e kush është tjetri, të dy janë e njëjta gjë.

-Emrat nuk do na i thuash kush është njëri e kush është tjetri? 

Meta– Ta zgjidhin vetë më mirë me konsensus

-Me Bashën nuk i ke mirë punët.Mos je prishur gjë edhe me Fariun, atë mblesin?

Meta– Absolutisht , pastaj Fariun e njoh shumë përpara Lulit , madje e njoh edhe pak përpara Doktorit, plus që jemi dhe pak të afërt se i kemi gratë dibrane dhe kanë të bëjnë me njëra-tjetrën. Kështu që nuk ndodh të prishem me Fariun.

-Po me Bashën?

Meta– Me Lulin ? Patjetër që marrëdhënia ime me Lulin është një marrëdhënie tepër interesante, pasi… e keni parasysh një fëmije nuk duhet asnjëherë t’ia marrësh për keq edhe kur bën një gabim.

(M.D/Shuplaka)