Kryetari i Lëvizjes Socialiste për Integrim, Ilir Meta, do të mbledhë këtë pasdite grupin parlamentar të LSI-së. Konkretisht, mësohet se Kryesia e LSI-së do të mblidhet në orën 19:00 të ditës së sotme.
Mbledhja e organizuar nga kryetari i kësaj partie politike, vjen në një kohë kur situata politike në vend është e trazuar, rreth tre muaj përpara zgjedhjeve parlamentare të 18 qershorit.
Vetëm dy ditë më parë, Ilir Meta, reagoi për të parën herë për protestën e opozitës, e cila sot ka hyrë në ditën e pestë të saj. Ai u shpreh dy ditë më parë se çdo protestë demokratike dhe qytetare është për t’u respektuar dhe meriton vlerësim.
Gjatë këtyre dy ditëve, ai është takuar me kreun e PAA-së, Agron Dukën, me të cilin ka drekuar. Ajo që tërhoqi më shumë vëmendje ishte darka e djeshme e dy bashkëkrerëve të koalicionit qeverisës në Kryeministri. (XH.A/SHUPLAKA)
Discussion about this post