Ilir Meta në fjalën e mbajtur në konventën Zgjedhore për Tiranën të LSI-së është ndalur gjatë te rëndësia e zgjedhjeve të Qershorit, zbatimi i Reformës në Drejtësi, po edhe te koncesionet.
Me një fjali mbyllëse ai i ka çuar një mesazh indirekt qeverisë Rama e përmendur gjatë për koncesionet se ka një gjë që nuk mund të jepet me koncesion dhe ajo është dinjiteti i të rinjve.
‘’Dhe nëse ka dicka që askujt nuk duhet ti shkojë mendja ta japë me koncesion është dinjiteti i të rinjve dhe të rejave të Shqipërisë se ata nuk kanë asnjë kompleks nga e kaluara e tyre, ata janë të pashantazhueshëm nga kushdo, ata nuk kanë vetëm pasionin por edhe eksperinecën për t’i dalë zot vendit të tyre dhe jam i bindur se zgjedhjet e 28 qershorit do ta konfirmojnë këtë fuqi vullkanike!’’, është shprehur Meta në përmbyllje të fjalës së tij.
Edhe njëherë tjetër Kryetari i LSI-së zgjedh që në mënyrë pse jo dhe indirekte të përçojë mesazhe për aleatët e tij në qeverisje. (E.K/SHUPLAKA)
