Dy ditë më parë, kryetari i LSI-së, Ilir Meta, deklaroi nga Kryesia e kësaj partie se nuk mundet të ketë zgjedhje pa opozitën që kërkon krijimin e qeverisë teknike. Kjo deklaratë nuk ka kaluar pa u thumbuar nga kryetari i Bashkisë së Tiranës, Erion Veliaj.
I pranishëm së bashku me kryeministrin Edi Rama, në inaugurimin e punimeve të reja në shkollën “Lugj Gurakuqi” e projektuar për nxënësit me aftësi të kufizuar. Që në mëngjes, ai deklaroi se zgjedhje do të ketë më 18 qershor, duke u shprehur i bindur për fitoren e zgjedhjeve.
“Sot jetojmë në një kohë kur çdo gjë është ekonomi tregu. Sigurisht që në 18 qershor do të ketë zgjedhje. Ne fitojmë bindshëm sepse punojmë. Njerëzit po presin që pala tjetër të japë një ofertë. Mezi po presin që të japin verdiktin e tyre. Ata që nuk duan zgjedhje, e kishin Tiranën e nuk bënë asgjë. Më 18 qershor, secili do të shkojë me produktin e tij, nëse dikush nuk vjen të thotë “Kjo është oferta ime”, nuk ka problem.”, u shpreh ndër të tjera Veliaj.
(XH.A/SHUPLAKA)
