Themeluesi i Lëvizjes Socialiste për Integrim, Ilir Meta, nuk ishte i pranishëm në Konventën Kombëtare Zgjedhore të kësaj force politike ku u zgjodh kryetarja e re.
Pavarësisht se nuk ishte i pranishëm, prania e Metës është ndjerë në këtë rast kaq të rëndësishëm të kësaj force politike. Madje kryetarja e re e LSI-së, Monika Kryemadhi, gjatë fjalës së saj ka zgjedhur ta falenderojë themeluesin e partisë, i cili është gjithashtu edhe bashkëshorti i saj.
“Dua të falenderoj Ilir Metën që na dha mundësinë të krijohej lSI, të krijojë një forcë politike që në themelet e saj ka bazat e demokracisë, solidaritetin, përkushtimin ndaj njerëzve, shtresat e atyre njerëzve që janë të gatshëm të bëjnë gjithcka për Shqipërinë.
Dua ta mbyll me një varg: t’i Shqipëri më jep nder, më jep emrin shqipëtar… Kjo është motoja që rreh në zemrën time që kur kam qenë themeluese e LSI-së, dashuria për Shqipërinë, për atdheun, për të ardhmen e fëmijëve të Shqipërisë, ju falenderoj të gjithëve sëbashku për këtë mision sepse një vend nuk mund të jetë demokratik pa Shqipërinë. Garancia e demokracisë së shqiptarëve, e të gjithë atyre dëshmorëve të demokracisë, faleminderit. Zoti befoftë Shqipërinë, zoti ju ruajtë të gjithëve.”, tha Kryemadhi.
Ilir Meta nuk mori pjesë në Konventën e sotme të LSI-së, ndoshta edhe për shkak të zgjedhjes së tij si president i ardhshëm i vendit. (D.D/Shuplaka)
Discussion about this post