Në ditën e trashëgimisë Kulturore, presidenti Ilir Meta ka qenë i pranishëm në qytetin e Beratit. Duke vlerësuar këtë qytet, Meta shprehet se ai mbetet një nga qendrat më tërheqëse të vendit.
“Berati do të jetë gjithmonë një nga qendrat më të bukura e tërheqëse, vëmendjen e mijëravjecarëve të qytetërimit tonë që prej shumë kohësh vazhdon të tërheq imagjinatën tonë kombëtare dhe të mbarë botës, përfshi edhe UNESCO.
Sot të gjithë popujt e Evropës , për koincidencë me Ditën tonë të Kulturës Kombëtare , festojnë njëkohesisht edhe Diten e Trashëgimisë Evropiane. Ne shqiptarët ndihemi krenar përpara historisë së kulturës evropiane , pasi historia dhe trashgimia shqiptare eshte pjese e dinjitoze e kultures evropiane . Në këtë udhëtim shumë shekullor ne jemi krenarë për autenticitetin tonë, gjuhën dhe traditat tona, ashtu sikurse ndihemi të vetëdijshëm dhe për kulturën, identitietin tonë perëndimor dhe harmonizimin e tyre me ndikimin e kulturave të tjera përreth.
Ne sot kemi ardhur mes jush jo vetëm për të evokuar bukuritë e historisë por dhe të nxisim interesin e qytetarëve dhe investitorëve për ti vitalizuar monumentet dhe për ti bërë më të dobishme për jetën Shpreh gjithë mbështetjen dhe vleresimin tim për restauruesit e Shqipërisë, punonjësit duarartë të atelieve, të Ministrisë dhe Institutit të Monumenteve të Kulturës, që ri zgjuan e ngrohen shpirtin e “thesareve te fjetura” të monumenteve të kulturës”, u shpreh presidenti Meta nga Berati.
(E.K/SHUPLAKA)
