Meta në Lushnje: Politika ka për detyrë t’i zgjidhë problemet, t’i pakësojë, e jo t’i shtojë

I pranishëm në një takim me strukturat e Lëvizjes së Gruas për Integrim të qytetit të Lushnje, kryetari i LSI-së vuri në dukje rolin e gruas në shoqëri, duke u shprehur se fuqizimi i gruas do të thotë fuqizim i familjes dhe se kjo është shumë e rëndësishme për shoqërinë tonë të tronditur gjatë këtyre 26 viteve nga trauma të mëdha sociale.

“Fuqizimi juaj është fuqizim i familjes, është investim i drejtpërdrejtë. Forcimi dhe fuqizimi i gruas dhe i nënës është fuqizim i familjes dhe kjo është shumë e rëndësishme për shoqërinë tonë të tronditur gjatë këtyre 26 viteve nga trauma të mëdha sociale, që përjeton vazhdimisht, për një pjesë të mirë të të cilave shkaktare është politika konfliktuale, që nuk merret me zgjidhjen e këtyre çështjeve sociale. Politika ka për detyrë t’ i zgjidhë problemet, t’i pakësojë ato dhe jo t’i shtojë dhe t’i rëndojë.”, u shpreh Meta.

(XH.A/SHUPLAKA)