Kryetari i Kuvendit Ilir Meta ishte sot në qytetin e Skraparit për prezantimin e projektit për rehabilitimin e rrjetit të ujësjellësit dhe kanalizimeve të kësaj Bashkie.
“Është shumë e rëndësishme të gjendet një zgjidhje në ditët që vijnë. Ne do të bëjmë çdo gjë që Shqipëria të ecë në rrugën e stabilitetit, të legjitimitetit të institucioneve dhe të paqes sociale. Të gjithë duam paqen sociale në familjen tonë, në vendin tonë, sepse pa këtë nuk ka as siguri, as arsimim më të mirë, as ekonomi më të mirë, as punë më të sigurta dhe padyshim nuk ka një perspektivë në këtë vend”, tha Meta.
Projekti për rehabilitimin e rrjetit të ujësjellësit dhe kanalizimeve të Bashkisë përfshin qytetin e Çorovodës dhe fshatrat Çerenisht e Sharovë.
Në këtë takim, të pranishëm ishin gjithashtu edhe Ministri i Transporteve dhe Infrastrukturës, Sokol Dervishaj, si edhe deputetët e LSI-së, Silva Caka e Gledjon Rehovica. (D.D/Shuplaka)
Discussion about this post