Kreu i LSI-së ka qenë së fundmi në Novoselë, ku zhvilloi një takim me strukturat e Lëvizjes Socialiste për Integrim. Ai shoqërohej nga Sekretari i Përgjithshëm i LSI, Endrit Braimllari dhe Prof. Shezai Rrokaj, anëtar i kryesisë së LSI.
Nga Novosela, ai ka dhënë një mesazh lidhur me situatën politike në vend, por nuk dihet nëse ky është një mesazh i koduar për kryeministrin Rama me të cilin ai qeveris.
Kryetari i partisë pjesë e koalicionit qeverisës, është shprehur se vendimet duhet të merren bazuar në dashurinë për vendin dhe jo në urrejtjen ndaj njëri-tjetrit apo filozofinë e mashtrimit.
“Ne politikanët shqiptarë duhet të marrim vendime të rëndësishme. Vendime bazuar në dashurinë për vendin e përgjegjshmërinë për të ardhmen e tij dhe jo vendime bazuar në urrejtjen ndaj njëri-tjetrit dhe filozofinë e përjashtimit.”, është shprehur ai ndër të tjera.
(XH.A/SHUPLAKA)
