Dita e sotme e gjen Kryetarin e Kuvendit në një vizitë zyrtare në Angli ku do të zhvillojë një takim me komunitetin shqiptar që jeton atje. Padyshim që një vizitë shumë e rëndësishme kjo duke ditur vlerat që ka shteti anglez dhe Mbretëria e Bashkuar.
Lajmin e ka bërë të ditur deputeti i kësaj partie, Ylli Shehu, i cili në një mesazh në profilin e tij në ‘Facebook’ thotë se, takimi do të fokusohet te vota e emigrantëve, politikat ekonomike e sociale dhe arsimimi i të rinjve.
“Përshëndetje! Të dashur miq, shqiptarë që jetoni në Londër ose në zona të tjera të Anglisë! Më lejoni të ndaj me ju një njoftim të rëndësishëm: Ditën e premte, datë 24 mars, në orën 19:00, ju ftoj të merrni pjesë në një takim të komunitetit shqiptar. Si deputet i Kuvendit të Shqipërisë kam kënaqësinë t’ju njoftoj se në këtë takim do të na nderojë me pjesëmarrjen Kryetari i Kuvendit dhe kreu i LSI-së, Ilir Meta”, shkruan deputeti Shehu.
Po kjo në fakt është edhe një ditë shumë e veçantë për Kreun e Kuvendit dhe kreun e LSI-se.
Sot është data e lindjes së Metës, dhe bën plot 48 vjeç. Sigurisht që për shkak të angazhimeve të tij do t’i duhet që ta festojë pa familjen.
Ndoshta do të pritet që kreu i Kuvendit të rikthehet në Shqipëri në mënyrë që ‘tiu fryhet qirinjve’ dhe të prihet torta.
Edhe ne i bashkohemi urimit për Kreun e Kuvendit, duke shpresuar për sa më shumë vite jetë! (E.K/SHUPLAKA)
Discussion about this post