Meta pret në takim Amanda Bennet: “Zëri i Amerikës” urë lidhëse mes Shqipërisë dhe SHBA-së

Presidenti i Republikës, Ilir Meta,  priti sot Drejtoreshën e “Zërit të Amerikës” (VoA), znj. Amanda Bennett.

  Meta shprehu kënaqësinë që për herë të parë pas 75 vitesh, Shqipërinë po e viziton Drejtoresha e “Zërit të Amerikës”, znj.Bennett.

Ai vlerësoi lart kontributin e “Zërit të Amerikës” për të mbajtur gjallë shpresat për liri e demokraci edhe në periudhën më të errët të izolimit komunist të Shqipërisë.

Në veçanti Presidenti Meta u ndal në frymëzimin që “Zëri i Amerikës” dha për proceset demokratizuese dhe integruese të Shqipërisë.

Ai theksoi se “Zëri i Amerikës” ka shërbyer dhe mbetet si urë e rëndësishme lidhëse në marrëdhëniet e Shqipërisë me Shtetet e Bashkuara të Amerikës.

Presidenti Meta dhe znj. Bennett diskutuan mbi zhvillimin e mediave në Shqipëri dhe më gjerë, për ndryshimet e panoramës mediatike dhe sfidat me të cilat ndeshen mediat në ditët e sotme.

Meta theksoi rëndësinë që ka bashkëpunimi i mediave lokale në gjuhën shqipe me “Zërin e Amerikës”, si një media e lirë dhe profesionale.

Drejtoresha Bennett ndër të tjera tha se, misioni i “Zërit të Amerikës” nuk ka ndryshuar që nga dita e transmetimit të parë, para 75 vitesh – të tregojë të vërtetën, të jetë i saktë dhe i balancuar dhe të njohë audiencat me Amerikën.

(B.H/Shuplaka)

[ngg_images source=”galleries” container_ids=”2853″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]