Presidenti Ilir Meta në konferencën që po zhvillohet me gazetarët ka folur për arsyet që e detyruan kreun e shtetit të mos i jepte plot-fuqinë ministrit të Jashtëm, Ditmir Bushati.
Meta ka thënë se kjo çështje duhet të zgjidhet në Gjykatën ndërkombëtare.
“Është e domosdoshme të ketë trasparencë të plotë të të gjithë procesit nga të gjitha institucionet e shtetit, në respekt të kushtetutës dhe vendimit të gjykatës Kushtetuese të vitit 2010.
Dua të nënvizoj se sjellja dhe kontributi i presidentit të republikës ndaj kësaj cështje do jetë i bazuar vetëm mbi respektimin e vendimit te gjykates kushtetuese që ka përcaktuar rolin e presidentit për marrëveshjet ndërkombëtare dhe specifikisht mbi përcaktimin e hapësirave detare mes Shqipërisë dhe Greqisë. Ndërkohë sikur jeni në dijeni, qeveria ka synuar dhe synon që kjo cështje të zgjidhet sërish përmes negociatave. Duke respektuar qëndrimin e opozitës, respektoj qëndrimin dhe inciativën e qeverisë por duhet të theksoj se për këtë cështje ka një vendim të posacëm të gjykatës Kushetuese, është një vijë e kuqe për të gjithë duke nisur nga presidenti”, tha Meta.
(F.G/Faxweb.al)
Discussion about this post