Kreu i Kuvendit Ilir Meta në mbledhjen e Komitetit Drejtues të LSI-së ka folur dhe për krizën politike në vend.
Ai është shprehur se Rama nuk duhet të ofrojë vetëm dialog për opozitën por edhe të jetë më i përmabjtur me deklaratat e tij.
‘’Unë nuk po them që Edi Rama të japë dorëheqjen, unë them një qeveri besimi. Unë nuk jam thjesht kryetar i shumicës së parlamentit, po të ishte kështu do ta nxirrnim opozitën jashtë me kohë, por jam edhe i shumicës dhe pakicës. Edi Rama nuk është thjesht kryeministër, por ka detyrimin të ofrojë besim për zgjedhje.
Nuk duhet të ofrojë vetëm dialog, por i përmbajtur që mos i japë shkas opozitës, Ne si LSI nuk jemi për këtë ose për atë, ne jemi këtu t’i japim fund politikës bardhë e zi. Për dekriminalizimin i kemi dhënë të drejtë PD.
Në Shqipëri duhet ti japim fund historisë me të dhunshëm! Për çështjen e drogës, është një problem serioz, që nesër do goditen shumë njerëz, për këtë na duhet konsensus. Nuk është një problem që u krijua sot, Lazarati, të më falin banorët e Lazaratit ishte një fenomen i dukshëm.
Nuk ka rëndësi kush e nisi i pari dhe i dyti…nuk më harrohet kurrë…kur ishte Berisha kryeministër, edhe PS dhe neve ishim në opozitë. Edhe më thotë: duhet ti jepni fund kësaj situate, ishte koha kur Shqipëria do futej në NATO, është si puna e një avioni që do të ulet dhe nuk do thotë e ka fajin Berisha, apo Meta…avioni do ulet diku tjetër dhe kur t’i vijë radha Shqipërisë’’, u shpreh Meta.
MESAZHET E PLOTA:
Unë nuk jam thjesht kryetar i shumicës së parlamentit, po të ishte kështu do ta nxirrnim opozitën jashtë me kohë, por jam edhe i shumicës dhe pakicës. Edi Rama nuk është thjesht kryeministër, por ka detyrimin të ofrojë besim për zgjedhje. Nuk duhet të ofrojë vetëm dialog, por i përmbajtur që mos i japë shkas opozitës.
Ne si LSI nuk jemi për këtë ose për atë, ne jemi këtu t’i japim fund politikës bardhë e zi. Për dekriminalizimin i kemi dhënë të drejtë PD. Në Shqipëri duhet ti japim fund historisë me të dhunshëm!
Për çështjen e drogës, është një problem serioz, që nesër do goditen shumë njerëz, për këtë na duhet konsensus. Nuk është një problem që u krijua sot, Lazarati, të më falin banorët e Lazaratit ishte një fenomen i dukshëm.
Nuk ka rëndësi kush e nisi i pari dhe i dyti…nuk më harrohet kurrë…kur ishte Berisha kryeministër, edhe PS dhe neve ishim në opozitë. Edhe më thotë: duhet ti jepni fund kësaj situate, ishte koha kur Shqipëria do futej në NATO, është si puna e një avioni që do të ulet dhe nuk do thotë e ka fajin Berisha, apo Meta…avioni do ulet diku tjetër dhe kur t’i vijë radha Shqipërisë.
Ne duhet të heqim dorë nga gara se kush është më proevropian, më proamerikan, më antieruopian, më antiamerikan.Ne duhet të hyjmë në një garë kush është më shqiptar dhe sot më shqiptar është ai që është më tolerant dhe kush është më tolerant është më i fortë. Të gjithë këta që thonë nuk ka qenë burrë, po u tërhoq…të gjithë këta nuk duhen dëgjuar, se kanë hallin e tyre as të liderëve. Nëse ka një diplomat që rekomandon që këto partitë të hyjnë në zgjedhje dhe meqë s’hyn PD të përfitojnë nga mandatetet e PD, unë do dëshiroja të mos kishte diplomatë të tillë, megjithse jo të gjithë diplomatët janë ëngjëj…BE kërkon zgjedhje të lira dhe të ndershme jo farsa!
PD ka përgjegjësi dhe nuk jam këtu të bëj bilancet e saj por absolutisht që ne dhe askush nuk duhet të ktheje Shqipërinë në kohën e opozitën. Larg çdo lloj presioni, duke thirrur nga ne me PS, me kryetarët e bashkive, drejtora, policie, rrugësh etj, tunelesh e kështu me radhë sepse reforma më e madhe që mund të bëjmë…inaugurimi me Bashkinë e Tiranës ishte shumë i suksesshëm. Do bëhemi shumë të bezdisshëm për komunitetin ndërkombëtar që ka kaq shumë halle edhe pa i çuar në ekstrem dhe do dëmtonte rolin e Shqipërisë si faktor stabiliteti në rajon. Për çfarë na duan? Që të jemi faktor stabiliteti. Nëse i dëmtojmë kredencialet, si mund të kemi ne moral që të japim këshilla.
Ne jemi gati të sakrifikojmë, ska asnjë lloj problemi. S’ka asnjë humbje edhe të iki Ilir Meta sot. Në 2013 kaluam në opozitë, edhe pse u hoqën shumë njerëz nga puna, me të drejtë dhe pa të drejtë…
Kjo është arsyeja që të flisja zyrtarisht me kryetarin e Partisë Socialiste për këtë situatë që ne të marrim gjithë përgjegjësitë që vendi të shkojë në zgjedhje të lira dhe të ndershme.
E vërteta është që filloi në Libofshë kjo punë, në ’94, isha deputet i ri, aty u përdor për herë të parë forca e shtetit, për presion për votat. Duhet që president ishte Berisha, po kjo nuk është asnjë arsye pse Berisha dhe Basha janë në çadër ne të mos bëjmë përpjekje maksimale, jo për të plotësuar kërkesa të pamundura por që qytetarët të votojnë të lirë, që nuk do ketë financime kriminale dhe të paligjshme, që policia jo vetëm të jetë e paanshme, por të ndëshkohet cdo kandidat për deputet nëse do ketë shantazh për votëblerje.
Zgjedhjet janë të të gjithëve, reforma në drejtësi është e të gjithëve, prandaj ne votuam me konsensus që të kemi një drejtësi të pavarur. Reforma territoriale…5 variante janë propozuar, zgjidhni kë të doni. Jo do bëjmë variantin tonë! Bëjeni! Na jepni variantin tuaj, nuk e bënë!
Shpresoj që dhe opozita të jetë e arsyeshme, të ketë besim te zgjedhjet dhe te vetja e saj, te simpatizantët e saj, te komisonerët e saj, jemi të hapur për cdo zgjidhje që asaj i intereson sepse problemet janë sërioze, i drogës, i të fortëve në politikë. Se vë Endritin unë dhe nga mbrapa vë një të fortë.. Çdo dialog, dialogu është shenjë e mirë, për njerëzit që duan normalitet, për bizneset që nuk e dinë se ç’do bëjnë. Për çdo investitor të huaj. Miratuam një kullë ne, nuk vjen ai po nuk dhamë garanci për zgjedhje të lira dhe të ndershme! Të gjithë këto kanë të bëjnë me vendin dhe ekonominë e njerëzve tanë. DUa ta mbyll me dëshirën për të gjetur zgjidhje të shpejtë dhe të qëndrueshme, në të mirë të vendit dhe natyrisht edhe të Kushtetutës!
Discussion about this post