Presidenti Ilir Meta ka përshëndetur dorëheqjen e homologut kirgiz, për të cilin thotë se populli trim i tregoi botës demokratike si rrëzohen regjimet që bazohen mbi shtypje, oligarki dhe poshtërim të qytetarëve.
“Përshëndes dorëheqjen e Presidentit të Kirgistanit pas manipulimit të zgjedhjeve të fundit, që nuk u pranuan nga populli i revoltuar me shumë të drejtë.
Populli trim i Kirgistanit i tregoi mbarë botës demokratike si rrëzohen regjimet që bazohen mbi shtypjen, manipulimin, oligarkinë dhe poshtërimin e qytetarëve. Autorët e krimeve zgjedhore dhe dhunës kriminale të vihen para përgjegjësisë!”, shkroi Meta.
Pas më shumë se një jave protesta për zgjedhjet, presidenti i Kirgistanit njoftoi të enjten planet e tij për të dhënë dorëheqjen, duke thënë se ai nuk dëshironte të hynte në histori si një udhëheqës “që derdhi gjak dhe qëlloi mbi qytetarët e tij.”
Në një deklaratë të lëshuar nga një vend i pazbuluar, presidenti Sooronbai Jeenbekov, tha se ai kishte “marrë një vendim për të dhënë dorëheqjen”, megjithëse nuk specifikoi nëse ai e kishte lënë detyrën apo jo.(A.M/Faxweb.al)
Discussion about this post