Kryetari i Kuvendit, Ilir Meta përshëndet vendimin e sotëm të Gjykatës Kushtetuese për lënien në fuqi të ligjit të vettingut.
Përmes një deklarate për mediat, kryeparlamentari thotë se ky ligj është me shumë rëndësi për fazat e mëtejshme të integrimit europian të vendit si dhe për hapjen e negociatave për anëtarësimin në BE.
Me qëllim ecjen më shpejt të Shqipërisë në rrugën e integrimit euopian, si dhe për garantimin e zbatimit të reformës në drejtësi, kreu i Kuvendit inkurajon të gjithë aktorët dhe faktorët në vend, për të ushtruar të gjitha përgjegjësitë dhe kompetencat e tyre, për zbatimin e këtij ligji.
Gjithashtu kryetari i Kuvendit përshëndet angazhimin dhe mbështetjen e partnerëve ndërkombëtarë për fillimin e zbatimit të reformës në drejtësi dhe këtij ligji në veçanti.
Kryetari i Kuvendit, rithekson rëndësinë e zbatimit pa vonesë të këtij ligji, si një domosdoshmëri për reformimin e sistemit të drejtësisë, që do t’i përgjigjet cilësisht edhe nevojës që ka shoqëria shqiptare për një drejtësi funksionale dhe efiçente. (A.R/SHUPLAKA)
Discussion about this post