Meta president më 24 korrik, Nishani thërret Kuvendin për sesionin e jashtëzakonshëm

Presidenti i Republikës së Shqipërisë, Bujar Nishani, ka thirrur Kuvendin e Shqipërisë në një sesion të jashtëzakonshëm me rastin e betimit të Presidentit të Republikës së Shqipërisë.

Dekreti ka hyrë në fuqi menjëherë për bërjen e betimit të Ilir Metës si President i Republikës së Shqipërisë më 24 korrik.

Njoftimi i Presidencës:

Presidenti Nishani dekreton thirrjen e Kuvendit në sesion të jashtëzakonshëm për bërjen e betimit të Presidentit të Republikës

D E K R E T

PËR THIRRJEN E KUVENDIT NË SESION TË JASHTËZAKONSHËM PËR BËRJEN E BETIMIT TË PRESIDENTIT TË REPUBLIKËS

Në mbështetje të nenit 74 pika 2 dhe 93 të Kushtetutës së Republikës së Shqipërisë,

D e k r e t o j

Neni 1

Thirrjen e Kuvendit, në sesion të jashtëzakonshëm, për bërjen e betimit të Presidentit të Republikës, më datë 24 korrik 2017.

Neni 2

Ky dekret hyn në fuqi menjëherë.

Nr. Dekreti 10559

Tiranë më 30.06.2017

PRESIDENTI I REPUBLIKËS

BUJAR NISHANI

(XH.A/SHUPLAKA)