Ilir Meta ka rrëfyer një moment të punës së tij para delegatëve në konventën e LSI-së. Ai ka treguar me detaje një takim mes tij dhe një profesori, Luigjit, të cilin e ka sjellë si shembull të hapjes së partisë së tij ndaj intelektualëve.
RRËFIMI I METËS:
”…Luigji, s’e kisha takuar, profesor dekan, ishte kënaqësia dhe kërkesa e tij për t’u takuar. Ai kishte vetëm një shqetësim ishte një njeri që ishte zgjedhur vetë për shkak të reputacionit, mbështetjes së kolegëve të tij, eksperiencë e jashtëzakonshme dhe kur e pyeta se cila ishte arsyeja, më tha se arsyeja ishte që kishte dëshirë të kontribuonte dhe unë i thashë: ne ku ta gjejmë që njerëz si puna juaj duan të kontribojnë.
Çfarë mund të bëjmë ne për ju, e pyeta.
Unë tha, thjesht dua të dëgjohem, ndaj LSI duhet të jetë më e hapur se kurrë për t’u dëgjuar, për çdo ide. Ndaj dera e LSI është e hapur për këdo që dëshiron të kontribuojë,
Me këtë rast dua të përshëndes profesor Luigjin dhe profesor Andonin që është në këtë sallë, përshëndes profesorët që s’vinë as për të kërkua trender, as ofiqe, as punë. Këta janë njerëzit që jo duhet të vinë te ne, po të shkojmë ne te ata, sepse ata na bëjnë ne nder”.
