Ilir Meta tashmë i dorëhequr nga kreu i LSI-së ka folur në mbledhjen e Komitetit Drejtues Kombëtar të LSI-së. Ai u shpreh se LSI do vijojë të ecë përpara nën drejtimin e Petrit Vasilit, i cili pse jo do jetë dhe kryeministri i ardhshëm i vendit.
‘’Dua të jap një mesazh dhe për opozitën sot. Ju e dini që unë jam akuzuar shpesh për qëndrimet e mija në negociata dhe thonë që president më opozitar se unë nuk mund të gjendej. Ashtu si më tha edhe Namik Dokle nga ana tjetër që socialist më të mirë se unë nuk kishin ku të gjenin.
I them opozitës që në demokraci nuk mund t’i fitosh të gjitha dhe duhet të luftosh për t’I fituar ato. Unë i kam dhënë të drejtë opozitës kur ka pasur për çështjen e dekriminalizimit po është e domosdoshme që opozita të heqë dorë nga dora e konfrontimit dhe ultimatumeve.
Ka akoma një shans që opozita të hyjë në zgjedhje, ka akoma një draft me propozime në tavolinë me propozimet e PPE-së dhe asnjëherë nuk është vonë për të reflektuar. Për të gjithë ata që pyesin pse dha kryetari dorëheqjen iu them që duhet të kisha hequr dorë që para 5 vitesh sipas asaj që thotë statusi i partisë’’, u shpreh Meta. (E.K/SHUPLAKA)
Discussion about this post