Zëdhënësi i presidentit Meta njofton se kreu i shtetit do të paraqitet mesditën e sotme në SPAK, ku do të depozitojë një padi ndaj ministres së Drejtësisë Etilda Gjonaj. Blushi shkruan se pjesë e kallëzimit të Metës do jenë dhe funksionarë të tjerë të lartë.
Postimi i Blushit:
Presidenti i Republikës Sh.T.Z Ilir Meta do të depozitojë sot personalisht në ora 13:00, në Prokurorinë e Posaçme SPAK, kallëzimin penal për Ministren në detyrë të Drejtësisë, Etilda Gjonaj dhe funksionarë të tjerë të lartë të përfshirë në veprimtari të rëndë kriminale, në funksion të grushtit të shtetit.
Meta e paralajmëroi padinë ndaj Gjonajt prej ditës së premte, për shkak se ministrja ka urdhëruar që të publikohet në fletoren zyrtare një vendim i KED, gjë që bie ndesh me ligjin.
Sipas Metës ministrja do të akuzohet për shkelje të detyrës, si dhe për ushtrim të kompetencave që nuk i takojnë.
Nga ana tjetër vetë ministrja, do të reagonte, pa përmendur asnjë argument ligjor, dhe duke sulmuar personalisht kreun e shtetit.
Lexo edhe kete:
“Pres deri ditën e hënë të dorëhiqet”, Presidenti Meta kallzon penalisht në SPAK Etilda Gjonajn
Discussion about this post