Kreu i PL-së Ilir Meta ka shkuar këtë paradite në selinë e Partisë Demokratike për t’u takuar me kreun e Rithemelimit, Sali Berisha.
Ky takim vjen disa ditë para zgjedhjeve në Kukës. Dje KQZ-ja vendosi regjistrimin në zgjedhje të Koalicionit “Bashkë Fitojmë” nën drejtimin e PL-së dhe PDK-së të drejtuar nga Nard Ndoka.
Ky koalicion do prezantojë për zgjedhjet në bashkinë Kukës kandidatin e primareve të Rithemelimit, Emri Vata. Zgjedhjet për bashkinë Kukës do të përsëriten pas skandalit të video-përgjimit të ish-kreut të bashkisë Safet Gjici.
Ndërkohë KAS 2 ditë më parë rrëzoi kërkesën e bërë nga grupimi i Sali Berishës për t’u regjistruar në zgjedhje si Parti Demokratike. Si PD zyrtare në zgjedhje do të jetë partia e drejtuar nga Lulzim Basha. Më pas u depozitua në KQZ kërkesa e Partisë së Lirisë me anë të Endrit Braimllarit për futjen në zgjedhje të koalicionit “Bashkë Fitojmë”, si në rastin e zgjedhjeve të 14 majit.
Discussion about this post