Meta shpreh ngushëllim për nëntetaren Hasanaj: Po ndjek me shqetësim gjendjen e dy të plagosurve!

Presidenti Ilir Meta ka reaguar për ngjarjen e rëndë të ndodhur në Letoni ku humbi jetën në krye të detyrës Nëntetare Zarife Hasanaj si dhe kanë mbetur të plagosur Komandanti i Kontingjentit, Major Klodian Tanushi, si dhe dhe Rreshteri Julian Kapaj. (Lexo edhe ketu) 

Meta shpreh ngushëllime për familjen e viktimës, ndërsa thotë se po ndjek me shqetësim gjendjen e dy efektivëve që mbetën të plagosur.

Deklarata e Presidencës:

Presidenti i Republikës, Sh.T.Z Ilir Meta me hidhërim të thellë është informuar për ngjarjen tragjike të ndodhur me kontigjentin e Forcave të Armatosura, në kuadër të asgjesimit të municioneve dhe lëndëve eksplozive në Letoni, ku ka humbur jetën në krye të detyrës Nëntetare Zarife Hasanaj si dhe kanë mbetur të plagosur Komandanti i Kontingjentit, Major Klodian Tanushi, si dhe dhe Rreshteri Julian Kapaj.

Presidenti Meta i shpreh ngushëllimet më të thella familjes se Nëntetares Zarife Hasanaj, si dhe pjesëtarëve të kontingjentit të FA në Letoni.

Presidenti Meta po ndjek me shqetësim gjendjen e efektivëve të plagosur dhe u shpreh urimet për shërim sa më të shpejtë Major Klodian Tanushi dhe Rreshterit Julian Kapaj.

(E.K/FAXWEB.AL)

Fotot/ ”Ju gjetsha shëndoshë!”, kush është efektivja e FA-ve që u vra në Letoni. Misioni i mbetur në mes