Kryetari i Kuvendit dhe njëherazi kreu i LSI-së, Ilir Meta, mirëpriti paraditen e së hënës në takim ambasadorin e SHBA-ve në vend, Donald Lu dhe ish-ambasadorin amerikan, zv/ndihmës Sekretarin Amerikan të Shtetit për Çështjet e Sundimit të Ligjit dhe Trafikut Ndërkombëtar Narkotik, Alexander Arvizu.
Në takimin kokë më kokë të tyre, u vlerësua kryesisht bashkëpunimi SHBA-Shqipëri, ku ndër të tjera kryetari i Kuvendit vlerësoi kontributin e Amerikës në luftën kundër krimit të organizuar, drogës dhe korrupsionit.
Mes të tjerash, mësohet se Meta u ndal edhe tek rëndësia e zgjedhjeve të lira e të ndershme: “Vendi ka nevoj për dialog për të garantuar zgjedhje të lira e të ndershme. Nevojitet gjithashtu dialog për të avancuar me reformat.”, mësohet të jetë shprehur ndër të tjera Meta.
(XH.A/SHUPLAKA)
