Meta takim me ministrin e Maqedonisë: Të vlerësohen zonat e lira ekonomike e turistike

Presidenti Ilir Meta, ka zhvilluar një takim me  ministrin e Maqedonisë, Ramiz Merko.

Meta tha se vlerëson qasjen dhe interesin e Qeverisë së re të Maqedonisë për të nxitur dhe rritur edhe më tej bashkëpunimin politik dhe ekonomik mes dy vendeve. Ai u ndal në mënyrë të veçantë në eksperiencën e suksesshme të Maqedonisë me zonat e lira ekonomike dhe turistike,

Po ashtu dhe Meta shprehu besimin se komunitetet e biznesit të të dy vendeve do t’i vlerësojnë seriozisht këto mundësi, si dhe frymën e re të bashkëpunimit mes dy vendeve. Të një rëndësie vendimtare e me impakt të drejtpërdrejtë për nxitjen, si të investimeve të ndërsjella ashtu edhe të gjenerimit të projekteve të përbashkëta rajonale.

Më tej presidenti uroj realizimin sa më shpejt të lidhjes hekurudhore mes dy vendeve, si dhe të realizimit të projektit multimodal të Korridorit VIII.

(S.SH/Shuplaka)