Kryetari i Kuvendit dhe njëherazi kreu i LSI-së, Ilir Meta, ndodhet në Ëashington në kuadër të ceremonisë së inaugurimit të Presidentit të ri të SHBA-ve, Donald Trump.
Gjatë qëndrimit në Shtetet e Bashkuara të Amerikës, kryeparlamentari Ilir Meta është takuar me kreun e Komisionit të Ligjeve në Kongresin Amerikan, Pete Sessions.
Mësohet se gjatë këtij takimi kokë më kokë, kreu i këtij komisioni në Kongresin Amerikan, shprehu vlerësimin e Shqipërisë për implementimin e reformës në drejtësi përmes ligjit të Vettingut.
“SHBA e bindur se bashkëpunimi me shqiptarët forcon Shqipërinë dhe rajonin. Donald Trump ka në fokus bashkëpunimin për të forcuar marrëdhëniet me Shqipërinë. Një Amerikë më e fortë kërkon një Shqipëri të forte. Jam i bindur se 2017-a do të jetë një vit i suksesshëm. Krenar që jeni sërish për vizitë në SHBA për të riafirmuar marrëdhëniet e mira mes dy vendeve dhe për t’i çuar ato më përpara”, mësohet të jetë shprehur ndër të tjera Pete Sessions. (XH.A/SHUPLAKA)
Discussion about this post