Meta takon Ekaterina Zaharieva, ministrja bullgare: Implementimi i reformës, një hap me rëndësi

Presidenti i Republikës së Shqipërisë, Ilir Meta, ka pritur në një takim  në ambientet e Presidencës, zëvëndëskryeministren dhe Ministren e Punëve te Jashtme te Republikës se Bullgarisë, Ekaterina Zaharieva, e cila po zhvillon një vizitë zyrtare në vendin tonë. Duke vënë në dukje se Bullgaria është një partnere e qendrueshme e Shqipërisë, Presidenti Meta dhe Zëvendëskryeministrja Zaharieva ndanë të njëjtën pikëpamje për nxitjen e mëtejshme të shkëmbimeve ekonomiko-tregtare dhe rrugën e projekteve të përbashkëta rajonale zhvillimore. Presidenti Meta përshëndeti rolin e Bullgarisë në marrëdhëniet e fqinjësisë së mirë dhe nënvizoi rëndësinë e bashkëpunimit mes dy vendeve në kuadër të nismave dhe organizatave rajonale në funksion të qëndrueshmërisë, zhvillimit dhe orientimit euro-atlantik të vendeve të Ballkanit Perëndimor. Presidenti Meta dhe Zëvendëskryeministrja Zaharieva vlerësuan se vendet tona reflektojnë vlerat pozitive të angazhimit demokratik në skenën rajonale, evropiane dhe ndërkombëtare. Presidenti Meta nënvizoi gjithashtu rëndësinë e mbështetjes nga ana e Bullgarisë për procesin e liberalizimit të vizave të Kosovës me Bashkimin Evropian si dhe anëtarësimin e saj në organizatat ndërkombëtare si UNESCO-ja, INTERPOL-i, EUROPOL-i, etj. Kreu i Shtetit shqiptar, duke pasur parasysh qëndrimin e qartë për ripërtëritjen e politikës së zgjerimit si një përparësi e presidencës së ardhshme bullgare të BE-së në gjysmën e parë të 2018-s, shprehu besimin në mbështetjen e fuqishme të Bullgarisë për mundësinë e hapjes së negociatave të anëtarësimit të vendit tonë në gjirin e familjes evropiane. Presidenti Meta dhe Zëvendëskryeministrja Zaharieva ndanë pikëpamje të njëjta mbi rëndësinë e reformës në drejtësi dhe implementimin e saj si një hap i rëndësishëm drejt forcimit të institucioneve dhe luftës kundër korrupsionit e krimit tw organizuar

“Hap me rëndësi drejt forcimit të institucioneve. Reforma  janë me rëndësi në luftën kundër korrpsionit. Implementimi i reformës është një hap me rëndësi “, është shprehur gjatë takimit Zaharieva

Ky është takimi i dytë i Metës me personalitete dhe zyrtarë të huaj. Dje ai takoi në Presidencë ministrin e jashtëm të Maqedonisë, Nikola Dimitrov, ku nënvizoi rëndësinë e bashkëpunimit mes dy vendeve dhe vlerësoi vizitën e Dimitrov si shprehje e vullnetit të qeverisë së Maqedonisë për të bashkëpunuar në fusha me interes të përbashkët. (J.V/Shuplaka)

[ngg_images source=”galleries” container_ids=”2507″ display_type=”photocrati-nextgen_basic_thumbnails” override_thumbnail_settings=”0″ thumbnail_width=”240″ thumbnail_height=”160″ thumbnail_crop=”1″ images_per_page=”20″ number_of_columns=”0″ ajax_pagination=”1″ show_all_in_lightbox=”0″ use_imagebrowser_effect=”1″ show_slideshow_link=”1″ slideshow_link_text=”[Show slideshow]” order_by=”sortorder” order_direction=”ASC” returns=”included” maximum_entity_count=”500″]