Meta thërret konferencë të jashtëzakonshme, ja për çfarë pritet të flasë

Presidenti i vendit Ilir Meta do të mbajë paraditen e sotme një konferencë të jashtëzakonshme, në ambientet e institucionit të kreut të shtetit.

“Ne ora 11.30, konference e jashtezakonshme e Presidentit te Republikes Sh.T.Z Ilir Meta”, njofton presidenca, pa bërë publikisht të ditura arsyet e kësaj konference të jashtëzakonshme.

Burime bëjnë me dije se Meta pritet që të flasë mbi projektligjet e kaluara në Kuvend, që i heqin presidentit kompetencat në betimin e gjyqtarëve të Gjykatës së Lartë dhe asaj Kushtetuese, që u kalua të enjten e kaluar.

Meta kishte paralajmëruar që do të fliste për këtë çështje që të premten, po duke qenë se e kishte axhendën e zënë me takimin me përfaqësuesit e Komisionit të Venesias, kjo konferencë duket se është shtyrë për sot.

Përplasja mes presidencës dhe Kuvendit me qeverinë ka nisur për shkak të emërimeve të Arta Vorpsit dhe Marsida Xhaferllarit në Gjykatën Kushtetuese.

Lexo edhe:

Kuvendi i hoqi kompetencat, presidenca reagon ashpër: KÇK ndaj Kushtetutës (Meta paralajmëron konferencë urgjente)

(E.K/Faxweb.al)