Kreu i shteti Ilir Meta ka reaguar lidhur me protestën e cila sapo ka nisur në Bulevardin “Dëshmorët e Kombit” ku bën thirrje ndaj qytetarëve që të ruajnë qetësinë dhe të zhvillojnë një protestë tërësisht paqësore e larg çdo akti dhunë.
Më tej, në këtë reagim thuhet se Presidenti u bën thirrje protestuesve të vetëpërmbahen dhe të përqendrohen në kauzën për zgjedhje të lira dhe të ndershme, duke shtuar se ai beson në zgjidhjen përmes dialogut dhe se do të vijonte pandërprerë përpjekjet e tij në këtë drejtim.
DEKLARATË E PRESIDENTIT TË REPUBLIKËS ILIR META
Presidenti i Republikës Sh.T.Z Ilir Meta çmon se e drejta për të protestuar është e drejtë themelore dhe jetike për demokracinë.
Presidenti Meta thekson rëndësinë që protesta e sotme e Opozitës së Bashkuar të jetë tërësisht paqësore, larg çdo akti dhune, si dhe u bën thirrje protestuesve të vetëpërmbahen dhe të përqendrohen në kauzën për zgjedhje të lira dhe të ndershme.
Presidenti i Republikës beson se zgjidhja e krizës do të vijë vetëm përmes dialogut dhe bashkëpunimit, dhe se ai do të vazhdojë pandërprerë përpjekjet e tij në këtë drejtim.
Discussion about this post